DESKRIPZIOA

Itsasmuseum Bilbaok Bilboko eta Bizkaiko itsasoaren inguruko kulturaren kontaketa jasotzen du eta Bilboko eta Bizkaiko herritarrek itsasoarekin izan duten eta duten harreman estua islatzen du, harreman horrek nortasun eta tradizio bereziak, bakarrak, moldatu dituelarik. Itsasmuseumek Bilboko eta Bizkaiko itsasoaren inguruko ondarea kontserbatu eta zabaltzen dihardu lanean, bertako eta atzerriko bisitariei begira, ikuspegi didaktiko eta parte-hartzaile batetik abiatuta. Euskalduna ontziola zaharretako diken arteko zonalde batean kokatua, Abandoibarrako pasealekuaren barruan dago, Guggenheim Museoaren eta Euskalduna Jauregiaren artean.

Itsasmuseumak guztira 27.000 m2-ko azalera du, bi gunetan banatuta: barruko aldea eta kanpoko aldea. Kanpoko aldean, 150 urtetik gorako historia duten dikeak daude, eta dike horietan lotzen ziren gaur egun Museoaren bilduma osatzen duten itsasontzietako batzuk, eta bertan zeuden, baita ere, beste osagai batzuk: Carola Garabia, Bonba edo Lehergailuen Etxea eta eskultura batzuk. Dibertsiorako gune egokia da, eta itsas aisialdiko jardueren bilgune legez gero eta garrantzia handiago hartzen ari da.

KOKALEKUA

JARDUERAK

Itsasmuseumek jasangarritasuna du bere jarduera osoaren printzipio gidari: erakusketa-eremuan, hezkuntza-jarduerak, hitzaldi-zikloak edo museoaren kudeaketan beran ere. Ekainean Basque Environment Ocean Week antolatzen dugu, itsas ingurunearen iraunkortasunari eta babesari buruzko jardunaldiak.

Hitzaldia
Hizlaria: Oihana Cabezas Basurko. AZTIko itsas ikertzailea.
Data: 2023/05/18
Tarifak: Dohainik.
Informazio guztia: www.itsasmuseum.eus

Bizkaiko Golkoan plastikoek eragindako kutsadurari aurre egiteko ezagutzak eta irtenbideak
Datak eta ordutegia: 2023/05/19, ostirala, 19:00etan.
Tarifak: Doan, aurretiko izen-emateak
Zelan eman izena? info@itsasmuseum.eus edo 94 608 55 00
Informazio guztia: www.itsasmuseum.eus

Itsasoak garbi zeudela amets egin dut
Deskribapena: Bisita gidatu laburra (30’) familian, museoko “Itsasoen osasuna” izeneko gunera. Espazio honen helburua itsas iraunkortasunaren arazoa eta itsas faunaren eta floraren egoera larria ikusaraztea eta egoera hori aldatzeko beharraz kontzientziatzea da. Ondoren, 4 eta 11 urte bitarteko umeek “Amets egin dut itsasoak garbi zeudela” tailerraz gozatuko dute.
Datak eta ordutegia: 2023/05/20 eta 2023/05/21
11:30etatik 12:00etara – “Itsasoen osasuna” gunera bisita familian (hautazkoa)
12:00etatik 13:30etara – “Itsasoak garbi zeudela amets egin dut”, umeentzako tailerra
Tarifak: Dohainik.
Zelan eman izena?  Aurretiko izen-ematea  https://tickets.itsasmuseum.eus/ eta leihatilan.
Informazio guztia: www.itsasmuseum.eus