EUS
ES

Ongi etorri

El Pobaleko Burdinola

XEHETASUNAK

Burdinaren 500 urteko historia.

DESKRIPZIOA

Muskiz udalerrian El Pobaleko Burdinola dago: lantegi hidrauliko bat, burdin harria landu, eta mota guztietako lanabesak eta tresnak egiten zituena. Muñatones Gaztelutik eskualdea mendean zuen leinuak eraiki zuen burdinola XVI. mende hasieran, Salazar leinuak, alegia, eta 1965era arte iraun zuen lanean.

Osperik handiena XVII. mende amaieran izan zuen, tailerra handitzearekin batera, azpiegitura hidraulikoa berreraiki zuten garaian. Hala ere, gaur egun ikusgai ditugun hainbat eraikuntza eta makineria XIX. mende amaierakoak dira. Garai hartan, azken olagizonak eginahalean ari ziren, teknologikoki aurreratuago zegoen aro berri batean lehiakorrak izaten jarraitzeko.

Burdinolaren inguruan, produkzio-gune oso bat zegoen antolatuta: olagizonen etxebizitza, irin-errota, ogi-labeak, baratzak eta mendiak, egurrez zein ikatzez hornitzeko.

2004. urtean ateak zabaldu zituenetik, museo bizia da El Pobal; izan ere, Bizkaiko industriaurreko jarduerarik inportanteenetako bi erakusten dira bertan: burdingintza eta errotaritza. Ingurune eder hau bisitatzera Barbadun ibaiaren ertzetara hurbiltzen diren guztiek bi makina hidraulikoak abian ikusteko aukeraz gozatu ahal izango dute.

KOKALEKUA

– Helbidea
El Pobal auzoa. Muskiz-Sopuerta errepidea. 48550 Muskiz.

– Telefonoa
629 271 516

– Posta elektronikoa
elpobal@bizkaia.eus

JARDUERAK

Ordutegia eta Sarrera:

  • Maiatzak 18, astelehena, museoa itxita egongo da.
  • Maiatzak 24, igandea, ate irekien jardunaldia. Bisitaldi gidatuak orduro: 11:00etan, 12:00etan eta 13:00etan.

Jarduera berezia: “Putxera: forjaketa eta sukaldatzearen artea”

  • Deskribapena: “Sutegiko topaketak” saio berria. Toni Gómez artisauak “trenbide-eltze” bat landuko du zuzenean. Ondoren, Balmasedako Putxeraren Kofradiako kideek prestaturiko babarrun dastaketa egongo da.
  • Helburua: burdin-kultura, ohiko lanbideak eta tokiko gastronomia uztartzea.
  • Data eta ordua: Maiatzak 23, larunbata, 11:00etatik 13:00etara.

 

Sarrera doakoa izango da jardunaldi bietan.

Beharrezkoa da aldez aurreko erreserba (plaza mugatuak).

BIZKAIKO BESTE MUSEOAK

SOLICITA MÁS INFORMACIÓN

Fill out this field
Idatzi e-posta helbide egoki bat.
Fill out this field

{{site_title}}

keyboard_arrow_up